KIO Ginjaw Ginra Masat (23) Dap Dung Ginra De Myen Hpyen Dap Ni (81)mm Laknak Hte Gap Bun

Posted by Knet On July 03, 2015.

KIO Ginjaw Ginra, Hka Ya Bum kaw dap jung nga ai Myen hpyen dap Hk.L.Y (258) dap na hpyen hpung ni July (2) ya jahpawt hkying (10:00)am aten daram hta Tsin Yu Bum maga de (81)mm kalang gap bun ai lam na chye lu ai.

July (1) ya jahpawt hkying (6:00) kaw nna (6:30)am aten laman KIA Hpyen hpung ni shara jahkrat dap jung nga Lagat Yang Man Den mare Baw kaw Myen hpyen dap Hk.L.Y (250) dap na hpyen hpung ni the KIA hpyen hpung ni gasat poi byin ai lam hpe mung hpyen shi sawk ni shiga jaw la ai kaw na chye lu ai.

Myen Hpyen Hpung Ni Mungshawa Hpe Mara Kata San Jep Ai Lam Galaw Nga

Posted by Knet On July 03, 2015 

Hpakan ginra hta nga ai Myen Hpyen Dap ni, July praw kaw nna Wunpawng shadang sha mu mi mu hpe KIA hpyen la ni re ngu jahpai shala mara tam, n sun n-ang jep shatsang nga ai lam na chye lu ai.

July (2) ya shani hkying (11:50)am aten daram hta KIA Masat (4) Dap Ba, Masat (38) Dap Dung ginra, Bang Baw mare kaw nga ai Pyi Tu Tsit (P.T.Ts) na Salang Chang Zung a nta kaw nga nna jawng lung ai Shy. Nang Tawm hte Shy. Nang Ing yan hpe KIA Kai Chyan hpe woi rem da ai ngu nna Myen hpyen dap ni Salang Chang Zung hpe rim woi mat nhtawm adup zingri da ai lam hpyen shi sawk ni shiga jaw la ai kaw na chye lu

Myen Hpyen Dap Dap Nu (33) Na Hpyen Hpung Ni Mung Shawa Hpe Jahkrit Shama

Posted by Knet On July 03, 2015 

Hpakan Ginwang, Nam Ya Hpunggyi jawng kaw shara jahkrat nga ai Myen Hpyen Dap Dap Nu (33) na hpyen hpung ni June (30) ya shani dai Hpunggyi jawng na ????????? Slg. ?????????? hpe mara kata adup zingri htawng bye da ai lam nga ai hpe na chye lu ai.

July (1) ya shani hkying (6:30)Pm aten hta Nam Ya mare na Mare Salang wa shi a bungli ra lata poi hte seng nna mare kata hte Hpunggyi jawng hkan kahkyin gumdin hkaw tsun hkawm nga ai hpe Myen Hpyen Dap Dap Nu (33) ningtau dap up wa n hkaw tsun shangun ai sha n-ga, tsun jahkrit shagyeng nhtawm bai gawt nhtang kau ai lam hpe Myu Sha Pyen U shiga jaw la ai kaw na chye lu ai.

 jinghpawland.com

请扫描左边的黑白二维码图片，即可识别关注“景颇大地”公众号