Lahta Sam Mung, KIA masat (9) Dap Dung ginra hta June (19) ya jahpawt hkying (8:30) Am aten Myen Hpye Dap, Dap Nu (99) kata nTsinyu Buma dap mying nchye lu shi ai hpyen hpung ni Hu Hpyet Man Kawng ntsa Jawng Kawng dingsa maga htu shadut lung wa ai majaw KIA masat (9) Dap Dung hte Ginwang H.Q na pawng hpawng hpyen hpung ni hkap shingla gasat dat ai kaw nna numdaw 3 lang gasat poi byin ai lam Shawnglam Shisawk ni shiga jaw la ai kaw na chye lu ai.

Bai KIO ginjaw ginra, KIA masat (23) Dap Dung ginra Hka Ya Bum kaw shara jahkrat nga ai Myen Hpyen Dap Hk.L.Y (258) Dap ni June (19) ya jahpawt hkying (7:20)Am aten hta Tsin yu bum lagaw maga (81) MM sinat kaba (2) lang gap bun ai lam matut chye lu ai.