克钦中央新闻部门发放第一批新闻工作者培训结业证书活动
  2015.615.
  由克钦中央新闻部，面向各地方基层招收的新闻媒体工作人员培训结束，并给学员发放结业证书活动。希望学员用新闻媒体维护民族和国家的利益，加强民族的统一和团结为重，挽救民族的命运。
Shiga Magam Dap Ginjaw rung hta Ningpawt Ninghpang Media wunkat hpaw hpawng hpe June (15) ya shani hkying (9:00)am aten hta Padang Hkrunlam Majan Gawknu kaw galaw la lu sai lam chye lu ai.

Ndai wunkat hpaw hpawng hta Shiga Magam Dap Ginjaw Rung Ningtau Lit Hkam Lat Du Up Jum Nhpang Naw Bu kaw na wunkat hpaw mungga shaga ya ai hta 2015 shiga magam dap ginjaw rung a masing nga ai hte mare buga masha ni hpe media awareness training sharin jaw nga ai lam, Buga ginra shagu de mung matut sharin ya wa na masing nga ai lam, shiga magam dap ginjaw rung hta magam gun nga ai rung masha ni hpe mung majat wunkat ni jaw na re lam hte shiga magam dap ginjaw rung a lashum ga rai nga ai shiga hte amyu sha hpe gahkyin gumdin na, shiga hte amyu sha hpe makawp maga na, shiga hte amyu sha hpe hkye la na nga ai lam ni hpe tsun sanglang dan nhtawm Shiga magam dap ginjaw rung kata na makan dap ni hpe shacyen ya ai lam hpe chye lu ai.

Matut nna Shiga Magam Dap Ginjaw Rung Lit Hkam Du Up Jum N-bang Bum Sinwa Naw kaw na wunkat jawngma ni hpe n-gun jaw shatsam mungga jaw ya ai hta Myutsaw myit mungtsaw ai myit hpe ningpawt ninghpang da nna mungdan magam bungli gunhpai sa wa ra ai lam hte hpaji hkaja ai hta myit lawm hkum lawm nna myit maju jung ra ai lam ni hte tsun shatsam ai lam chye lu ai.