您当前位置：

Red Cross Society of China中国红十字会援助物资运抵缅甸克钦地区

2014/2/23 22:45:07点击数(0)已有0人评论

Miwa Gumsan Mungdan na Udang Hkyeng (Red Cross Society of China) Hpung Ni Laiza De Hpyen Yen Mung Shawa Karum Na Matu Sa Du

Written by KNET

Miwa Gumsan Mungdan na Udang Hkyeng Hpung (Red Cross) ni hpyen yen mung shawa ni hpe karum na matu karum arung arai ni hte hpawn 2014 February (21) ya shani hkying (11:00)pm aten hta Laiza Muklum de wa du ai lam hpe cye lu ai.
Matut nna Miwa Gumsan Mungdan na Udang Hkyeng Hpung ni hpe Ginjaw Lakawn Lanawn Komiti Rung hta hkap tau hkalum ai lamang galaw ai rai nna Ginjaw Hpyen Yen Lakawn Lanawn Komiti Amu Madu kaw nna Lakawn Lanawn Komiti Salang ni hte Myen Mung Asuya hte simsa lam bawngban dat kasa ningbaw hpe shachyen ya ai hpang Miwa Gumsan Mungdan Udang Hkyeng Hpung Salang Sun Sho Hpong kaw nna sa du lawm ai salang ni hpe sha chyen ya ai lam hpe chye lu ai.
Jinghku manam hpung a ningbaw Salang Sun Sho Hpong kaw sa du lam shachyen dan ai hta Myen Mung hte Miwa Gumsan Mungdang Udang Hkyen Hpung Ginjaw kaw nna dai ni ruyak nga ai Wunpawng amyu sha ni hpe sa karum mayu ai majaw sa du ai re lam.
Miwa Gumsan Mungdan Udang hkyeng Karum Ningtum Hpung hte Miwa Gumsan Mungdan mung shawa yawng a malai hku nna Wunpawng mung shawa masha yawng hpe gawan shakram dat ai lam.
Miwa Gumsan Mungdan hte Myen Mungdan gaw bum hka shi matut ai re majaw moi kaw nna hku hkau kanawn mazum nga ai lam.
Lai wa sai 2-3 ning laman hta Miwa Gumsan Mungdan Udang Hkyeng Hpung kaw nna Mung masa manghkang a majaw ruyak tsinyam hkrum nga ai mung shawa ni hpe galoi mung myit tsang maja nga ai lam.
Miwa Gumsan Mungdan Udang Hkyeng Ningtau hpung ginjaw kaw nna karum ai arung arai ni hpe wunli lu ai hku nna dai ni wunpawng ginra kaw du taw sai lam.
Lahkawng maga na hkuhkau ai hte ndai ginra ngwi pyaw simsa lam rawt jat galu kaba wa lu hkra jawm shakut na lam ni hpe tsun sanglang dan ai hpe chye lu ai.
Matut nna Ginjaw Hpyen Yen Lakawn Lanawn Komiti Ningbaw Salang Kaba Labang Doi Pi Sa kaw nna hkalum mungga shaga ai hta lai wa sai shaning law law ndai prat htawm hpang prat Mungdan jarit matut nna nga pra nga ai jinghku Miwa Gumsan Mungdan Red Cross hpung ni hpyen majan a majaw ruyak tsinyam hkrum nga ai mung shawa ni hpe karum arung arai hte hpawn sa du karum ai hpe ruyak tsin yam hkum nga ai mung shawa ni a malai kaba kara hkap tau la ai hte chyeju dum ai lam.
Matut nna hpyen yen tsin yam hkrum sha nga ai mung shawa ni hpe shachyen sang lang dan ai hta Amyu sha mung masa tat sum kau ai majaw laknak lang rawt malan ai gaw 1961 ning kaw nna hpang wa sai 2011 shaning kaw nna Myen Mung Asuya hpyen n-gun kaba hte htim gasat hpang wa ai majaw Mung mare masha ni dum nta sutgan ni kabai kau nna Miwa Gumsan Mungdan jarit mayan hta hpyen yen dabang (22) hpaw tawn da ai kaw hpyen yen tsin yam (50,000) grup yin nga nna kaga ginra ni hta mung law law naw nga ai lam.
Hpyen yen mung shawa ni gaw tinang atsam hpe kam hpa nna lu lu, lu sha nna nga pra na lam nnga mat sai, shanhte hpe shinggyim nau na myit rawng ai ni, ni nawn ai, tsan ai jinghku ni kaw na karum ai majaw asak hkrung nga ai hte ndai zawn arung arai hte sa du karum ai majaw hpyen yen mung shawa ni a malai nachying chyeju dum ai lam.
Jarit mayan hta shanu shingbyi nga ai hpyen yen tsinyam masha ni hpe htingbu jarit mayan na hpunau mung shawa law law gaw lu sha, ja gumhpraw hte sa du gawan karum la ai hpe Jinghku Miwa Gumsan Mungdan Asuya hku nna myit tau chye na ya ai hpe mung chyeju dum ai lam.
Ruyak jamjau hkrum nga ai hpyen yen mung shawa ni gaw ra kadawn nga ai lam law law naw nga ai hpe matut karum madi shadaw hpyi lajin ai lam
Hpyen yen tsin yam hkrum hkam sha nga ai mung mare masha ni tinang mare buga de teng man ai hte jet ai simsa lam ahkaw ahkang hte bai wa lu na gaw ahkyak madung re lam.
Hkam dahka nga ai hte jet ai simsa lam hpe hkrang shapraw lu na matu Mungdan kata na lit nga ai ningbaw ningla ni, salang ni lam yan shagu hta shakut nga ai hte htingbu jinghku Mungdan ni kaw na mahkrun masa ang ai hku hparan masit karum na hpe kam nga ai lam hpe tsun sanglang dan ai hpe chye lu ai.

Matut nna Miwa Gumsan Mungdan na Udang Hkyeng Hpung ni gaw karum arung arai ap ai lamang hpe galaw nna Laiza grup yin na Hpyen Yen Dabang ni, Chye Yang Hpyen Yen Dabang, Hpunlum Yang Hpyen Yen Dabang ni de sa du gawan da nna hkying (3:00)pm aten hta bai nhtang wa sai lam hpe chye lu ai.
Miwa Gumsan Mung Dan Udang Hkyen Hpung kaw nna sa du karum ai arung arai ni gaw hkyak hkyak ra nga ai dinghku rai n-gu, sau, jum nba panep hte shat gawk arung arai ni hpe dinghku karum sutdek hku wa jaw nna Laiza grup yin na hpyen yen dabang ni a matu sutdek yawng (4,200) hte kaga sutdek (800) gaw kaga hpyen yen tsin yam dabang ni de wa jaw na re lam hpe chye lu ai.

中国红十字会援助物资运抵缅甸克钦地区

2014-02-21 14:56:01 | 来源：国际在线专稿 | 编辑：王珊 |

中国红十字会人道救援物资交接仪式（林迟摄）

　　原标题：中国红十字会援助物资运抵缅甸克钦地区

　　国际在线消息（记者林迟）：中国红十字会援助物资21日中午运抵缅甸北部克钦拉咱地区，并移交当地有关方面。21日正值缅甸克钦族传统节日——“目瑙纵歌”即将到来之际，此批援助也成了一份实实在在的节日礼物。
　　在交接仪式上，中国红十字会援缅项目组组长孙硕鹏表示，这是应缅甸红十字会的要求，中国红十字会首次向缅甸克钦地区的流离失所者进行人道主义援助。克钦方面安置救助负责人堆比撒表示，衷心感谢中国红十字会的援助。目前拉咱地区有22个安置点，流离失所的民众约有5万人，缅方将把这批物资发放给最需要帮助的家庭。　
　　中国红十字会为克钦地区流离失所的家庭提供了包括大米、食用油、棉被等在内的基本人道援助物资，这些物资将以“中国红十字会赈济家庭箱”的方式发放。本次运抵拉咱的物资将发放到4200个克钦地区流离失所家庭。
　　由于缅甸国内地区冲突，目前在靠近中缅边境的缅甸克钦地区，聚居了大量流离失所的民众，他们面临食品、基本生活用品和御寒物品匮乏等问题。中国红十字会此次对缅甸克钦地区流离失所的民众开展人道援助，为他们送去急需的生活物资，体现了中国红十字会和中国人民对缅甸人民的真诚关切和友好感情。
　　（注：“目瑙纵歌”就是大家一齐来唱歌跳舞的意思。）