克钦政府全民动员投入禁毒战争
克钦政府全国动员全民参与禁毒战争，克钦民族的头号敌人毒品，被毒品蚕食的克钦人，特别是年轻一代超过了在战争中损失的数据。
禁毒是克钦面临的一大战争之一，全民组织进入禁毒战争活动。特别是密支那大学长期受到毒品的危害，很多克钦青年被吞食。相关信息报有人长期有意识在克钦民族青年及学生中扩散毒品，这也是克钦民族中无声的战争之一。克钦独立军作为一大战役动员全国全民投入禁毒战争。
Myitkyina Dakkasu Jawng Kaw Kani Nang Hpam Ninghkap Laika Pa Garan Ai Hpe Pat Hkum Hkrum
- Category: Shiga
- Published Date
- Written by KN ET
Myitkyina J.L.H Ram Hkye Hpung ni Myitkyina Dakasu Jawng wang chyinghka lam kaw ka-ni nang hpam ninghkap laika pa garan lamang galaw nga ai aten Jawng Par Chyuk Dr. Aye Ko Pat hkum ai majaw jahkring kau ra ai lam chye lu ai.
Mabyin gaw 2013 ning August (7) ya jahpawt hkying (10:00)am ten hta jawng wang chyinghka lam kaw shang wa pru wa ai jawng ma ni hpe garan jaw nga ai ten, hkying 11:30 daram hta par chyuk sa wa nna n garan na matu hkum pat ai re lam hpe chye lu ai.
Garan laika pa hpe Jinghpaw hku ka da ai 1000 myi, Myen hku kada ai 1000 myi hte sticker 1000 myi hpe garan jaw ai rai nna, ndai hku galaw ai a yaw shada lam gaw lai wa sai 3 ning daram hta mungkan e nang hpam lu sha sawng dik ai dakasu jawng hku nna masat hkrum ai kaw du hkra dakasu jawngma ni ka-ni nang hpam hpe lu sha, dut sha jai lang nga ai re majaw ya dai ni ndai zawn re ai lam ni hpe jawm ninghkap shayawm kau lu na matu hte ramma/jawngma ni hpe mai byin ai made makawp maga shadum sharai la lu na matu galaw ai re hpe na chye lu ai.
Ndai garan laika pa hta Ka-ni gaw masha yawng a hpyen, wuhpung yawng a hpyen, Hkristan ni a hpyen, Myu sha ni a hpyen, Hkrit ra dik ai hpyen re lam ni hte Ka-ni nang hpam hpyen hpe kaning di kasat, kaning di shamyit, koi yen na lam, Ka-ni nang hpam hpyen hpe kasat shamyit na ladat, lawt lu ai lam ngu gabaw yawng (5) hte Karai Kasang a chyum Mungga hta lakap nna ka da ai re lam hpe mung mu chye lu ai.
Ndai zawn pat hkum ai lam a majaw dai kaw woi awn ai jawngma langai mi tsun ai hta "ndai zawn pat hkum kau ya ai gaw anhte jawng ma ni lu ging ai ahkaw ahkang hpa mung nlu ai hta sha n-ga jawngma shamu shamawt lam ni yawng hpe moi na zawn sha naw pat hkum ai lachyum re, ndai garan mai sau pa hta tara upadi hte n htan shai ai lam langai mung n lawm ai, jawngma ni hpe jaw da ai ahkaw ahkang kata kaw sha galaw ai re " nga tsun ai.
Ndai JLH Ram Hkye hpung hpe Myitkyina dakkasu jawng ma ni hku nna ka-ni nang hpam hpe jawm ning hkap lu na matu hte garai n lu sha shi ai jawng ma ni hte buga ramma ni hpe tau hkrau makawp maga la lu na matu yaw shada let lai wa sai july 13 ya shani komiti marai 19 hte jawm hpaw shabawn da ai re lam hpe mung matut chye lu ai.
jinghpawland.com
请扫描左边的黑白二维码图片，即可识别关注“景颇大地”公众号
