克钦民众在密支那正式共同成立智囊团

 克钦独立组织和克钦民众于2013年7月23日在密支那正式共同成立智囊团 Technical Advisory  Team 为克钦独立组织下一步与缅方的政治对话中提出相关的意见和可行的建议。完善和促进克钦独立组织和克钦民众之间的关系，并向克钦独立组织提供战略性的建议和咨询，更加圆满的完成克钦独立组织的各项工作，更重要的是在下一步对克钦独立组织与缅方谈判的过程中提供建设性的建议和咨询。







Machyoi Hpung Rap Daw (Technical Advisory Team) Rung Hpaw Poi Lamang Galaw

 

Category: Shiga

Published Date

Written by bumsumpra

 

 

2013 July 23 ya shani Myitkyina Muklum, Shatapru na K.I.O Datkasa rung  n’ta dingsa hta Machyoi Hpung Rap Daw (Technical Advisory Team) Rung  Hpaw Poi lamang ap nawng kyu hpyi hpawng galaw ai  lam chye lu ai.

 

Rung hpaw ap nawng kyu Hpyi Hpawng lamang hta Sara Kaba Sumlut Gam kaw na hkalum ga shaga la ai rai nna, lai wa sai simsa lam bawng ban hpawng hta myit hkrum da ai lam yan (7) hta na No.(6) hte maren Machyoi Hpung Rap Daw (Technical Advisory Team) hpe K.I.O maga de na Datkasa Salang manga hte Mungshawa maga de na Salang marai shi, shanglawm nna galaw ai re hpe tsun ai.

 

Kyu hpyi hpawng hta Fr.Dr.Joseph Gawlu Yung Wa kaw nna Karai mungga htawn tsun ai. Rev. Mading Zung Kyang gaw hkumtsup akyu hpyi nna, Rev. Cannon Abranham Zau Hkawng Tingnyang Up hte Rev. Lahtaw La Awng akyu hpyi shaman ya ai lam chye lu ai.

 

Bai kyu hpyi hpawng lamang hta Myitkyina Ginwang Buga shagu de na ramma (500) jan kaw nna mung Choir, Group song, Shaman mahkawn ni hte ninggun myi alu shang lawm mat wa ai lam chye lu ai.

 

Machyoi Hpung Rap Daw Hpaw Poi lamang hpe numdaw masum hku nna galaw mat wa ai rai nna, numdaw langai na lamang gaw rung hpaw ap nawng kyu hpyi hpawng lamang hpe galaw ai. Numdaw lahkawng hta Machyoi Hpung Rap Daw hte seng nna sanglang hpawng lamang hpe Majoi Gawk Nu hta galaw ai rai nna Sara Kaba Sumlum Gam, Myen Asuya Datkasa Salang U Aung Min hte Jinghpaw Mung Daw Hkring Mang Daju Lajawn Ngan Seng ni mungga shaga, tsun sanglang ai lam chye lu ai. Matut nna numdaw masum hta Machyoi Hpung Rap Daw Rung Hpaw Poi shagrau sha-a shana shat sha poi hpe shana de hkying (6:00) pm ten hta Majoi Gawk Nu hta galaw ai lam chye lu ai.

 

Ndai Rung Hpaw Poi lamang hta K.I.O de na Sarakaba  Sumlut Gam woi awn ai Hpung ni, Myen Asuya Datkasa Salang U Aung Min woi awn ai hpung ni, Jinghpaw Mungdaw Hkringmang Daju Salang Lajawn Ngan Seng woi awn ai hpung ni , Sam hpu nau ni , Miwa hte Gala jinghku ni, lak san saw shaga da ai myitsu Salang ni hte Myitkyina Ginwang ramma ni sa du shagrau shang lawm ai rai nna yawng marai 1000 daram sa du ai lam hpe chye lu ai.