DUNG (36) HTE (38) DE LAJA LANA GASAT

                                  掸邦克钦专区战火持续不停

Wunpawng Mungdan Shanglawt Asuya Sam Mung daju Dap Ba (4) n pu KIA Dap Dung (38) ginra rai nga ai Man Jak makau hta May (2) ya shani hkying (1:30PM) ten KIA myu tsaw share ninghkring ni hte myen tai hpyen hpung ni gap gasat lai wa sai lam shiga na chye lu ai. May (2) ya shana de hkying (7:4PM) ten ram hta mung KIA Dung (36) ginra rai nga ai Hpai Kawng makau kaw Kutkai na myen dap hk-l-y (242) ni hte KIA myu tsaw share ninghkring ni laja lana gap gasat lai wa sai lam shiga na chye lu ai.









                      南掸邦军



             掸邦克钦专区德昂族部队



 

Lahta Sam Mung, Mankawng Mayan Hta Hkrum Katut Gasat Poi Byin

•  
• Category: Shiga
• Published Date
• Written by KNET

Lahta Sam Mung KIA Masat (4) Dap Ba, Masat (9) Dap Dung makawp maga ginra hta 2013 May (16) ya jahpawt hkying (10:30)am aten ram hta Daknai makau na Mankawng mare kaw Dap mying nchye Myen Asuya Hpyen Dap hpyen hpung ni hte KIA Masat (9) Dap Dung na hpyen hpung ni hkrum katut gasat poi byin ai lam hpe chye lu ai.
Matut nna lai wa sai 2013 May (9) ya shani kaw nna Myen Asuya Hpyen Dap ni hte Dingda Sam RCSS/SSA Masat (701) hpyen hpung ni Lahta Sam Mung Nmau Hka makau, Nawngma mare kaw laja lana gasat poi byin hpang wa ai hpang gasat poi byin ai shara mayan hkan na Mung shawa kahtawng (20) ram gaw Namhkam Muklum hte Miwa Gumsan Mungdan hkran de hprawng yen nga ai lam hpe chye lu ai.
Ya yang gasat poi a majaw hpyen yen hkawm  nga ai mung shawa ni gaw nga shara hte tsi mawan malu masha ni grai yakhkak jamjau hkrum nga ai lam hpe hpyenyen hkawm nga ai mung masha ni kaw na chye lu ai.
 

Hpunau Sam RCSS/SSA Hte Myen Asuya Hpyen Dap Ni Laja Lana Gasat Poi Byin

•  
• Category: Shiga
• Published Date
• Written by KNET

Lahta Sam Mung Namhkam lahta Namma mare kaw 2013 May (10) ya shani Dingda Sam Hpyen Hpung RCSS/SSA Masat (701) Dap ni hte Mantat, Namhkam kaw daju ai Myen Asuya Hpyen Dap Hk.L.Y (144) Dap kata na hpyen hpung ni laja lana gasat poi byi ai lam hpe chye lu ai.
Gasat Poi byin ai shara Namma mare kaw na Hpunau Sam amyu shayi marai (7) hpe Myen Asuya Hpyen Dap Hk.L.Y (144) Dap na hpyen hpung ni rim woi tawn dai nna ya aten de hkra rim woi mat wa ai Sam amyu shayi ni hpe ndat ya shi ai lam hpe na chyelu ai.
Lahta Sam Mung, Nmau hka makau Namma mare kaw shara jahkrat nga ai Hpunau Sam RCSS/SSA Masat (701) Dap hpe 2013 May (9) ya shani kaw nna Myen Asuya Hpyen Dap hte Pitutsit pawng hpawm hpyen hpung ni n’gun kaba hte laja lana htim gasat nga ai re hte gasat poi byin ai shara hkan na mung shawa ni gaw Miwa Gumsan Mungdan hte Namhkam myu de hprawng koi yen hkawm nga ai lam hpe chye lu ai.

Lahta Sam Mung, KIA Dap Ba (4) Ginra Ni Hta Matut Manoi Gasat Poi Byin Nga

•  
• Category: Shiga
• Published Date
• Written by KNET

KIA Masat (4) Dap Ba, Masat (36) Dap Dung makawp maga ginra hta 2013 May (11) ya jahpawt hkying (8:30) ten ram hta Bang Sai mare kaw nna shamu shamawt chyinglau lung wa ai Kuthkai daju ai Myen Asuya Hpyen Hk.L.Y (242) Dap na hpyen hpung ni hpe KIA Masat (36) Dap Dung kata na Masat (5) Dap Kung MHH hpyen hpung ni Nam Hu mare kaw hkrum katut gasat poi byin ai lam hpe chye lu ai.
Dai shani hkying (11:30)am aten ram hta KIA Masat (8) Dap Daung makawp maga ginra Nampang Hka Kadung kaw Dap myingt nchye ai Myen Asuya Hpyen Dap hpyen hpung ni hte hpunau Balawng TNLA ni gasat poi byin ai lam hpe chye lu ai.
Lahta Sam Mung ginra ni hta shara shagu matut manoi gasat poi byin nga ai hte mung shawa ni matut manoi zingri hkrum nga ai lam hpe chye lu ai.
Lai wa sai 2013 May (10) ya shani hkying (3:00) pm aten ram hta ,U Lang Pa Ginwang, Banghkam Pa Ginwang Daw, Mansawn mare na Hpunau Sam amyu sha, Slg. Aung La asak(41) ning hpe Dap mying nchye ai Myen Asuya hpyen hpung ni Man Gun mayan kaw rim woi la nna nmau hka de kahtam sat shayawng kau ai lam hpe buga masha ni kawn na chye lu ai.
 

 

Dingda Ginwang, KIA Dap Dung (9) Ginra Hta Gasat Poi Byin

KIA Masat (4) Dap Ba, Masat (9) Dap Dung makawp maga ginra hta 2013 May (8) ya shana de hkying (3:15)pm kaw nna hkying (3:30)pm aten ram du hkra Dima mare maga de shamu shamawt chyinglau hkawm nga ai Kuthkai daju Myen Asuya Hpyen Dap Hk.L.Y (241) Dap na hpyen hpung ni Namhpakka-Muse mawdaw lam mayan na Nam Mun mare kaw KIA Masat (9) Dap Dung na hpyen hpung ni hte hkrum katut gasat poi byin ai lam hpe chye lu ai.


 

Myen Asuaya Hpyen Dap Ni KIA Masat (38) Dap Dung Makawp Maga Ginra, Na Sang De Htim Gasat

Lahta Sam Mung, KIO Dingda Ginwang, KIA Masat (38) Dap Dung makawp maga ginra maga de Myen Asuya Hpyen Dap ni matut manoi naw htu gasat nga ai lam hpe chye lu ai.
2013 May (6) ya jahpawt hkying (8:35)am aten ram hta Myen Asuya Hpyen Dap Y.M.Hk  npu na Kung Chyan mare kaw daju ai Hk.L.Y (125) Dap na hpyen hpung ni gaw Mung Ya kaw nna KIA Masat (38) Dap Dung makawp maga ginra maga de htim gasat lung wa ai majaw KIA Masat (38) Dap Dung na hpyen hpung ni Na Sang mayan kaw ninghkap shingla gasat ai, gasat poi byin ai lam hpe chye lu ai.
Ndai gasat poi hta lahkawng maga na si hkala ai lam hpe tup hkrak nchye lu shi ai.


 

KIA Dap Dung (5) Ginra Hte Lahta Sam Mung Ginra Ni Hta Matut Manoi Gasat Poi Byin Nga

KIA Masat (2) Dap Ba, Masat (5) Dap Dung makawp maga ginra hta 2013 May (5) ya shana maga hkying (3:15)pm kaw nna hkying (3:30)pm aten laman Nam Hkyi Maw maga kaw na htu shadut chyinglau hkawm nga ai Myen Asuya Hpyen Dap Hk.L.Y (93) Dap na hpyen hpung ni hpe KIA Masat (5) Dap Dung na hpyen hpung ni ninghkap gasat poi byin ai lam hpe chye lu ai.
Dai shani hkying (3:15)pm kaw nna hkying (3:50)pm aten laman Lahta Sam Mung, KIA masat (4) Dap Ba, Masat (38) Dap Dung makawp maga ginra kata hku nna Munggu de htu lung wa ai Kuthkai Daju, Myen Asuya Hpyen Dap Hk.L.Y( 242) Dap na hpyen hpung ni hpe KIA Masat (38) Dap Dung na hpyen hpung ni Sambu hte Kila mare lapran kaw ninghkap shingla gasat poi byin ai lam hpe chye lu ai.
Lahta Sam Mung ginra de Myen Asuya Hpyen Hpung ni matut manoi hpyen n-gun jat let shamu shamawt chyinglau hkawm nga ai lam hpe chye lu ai.
Laiwa sai 2013 May (4) ya shana maga hkying (3:30)pm aten ram KIA Masat (4) Dap Ba, Masat (17) Dap Dung makawp maga ginra kata de shang shamu shamawt chyinglau hkawm nga ai Myen Asuya Hpyen Dap Hk.L.Y (127) na hpyen hpung ni hpe KIA Masat (17) Dap Dung na hpyen hpung ni Panghkam mare makau kaw ninghkap shingla gasat poi byin ai lam hpe chye lu ai.
Matut nna 2013 May (2-3) ya laman hpunau Sam SSPP/SSA hpyen hpung ni shara la nga ai Pang Sau hpyen dap maga de Myen Asuya hpyen hpung marai (200) ram hte Lahu Jarit Sin Dap hpyen hpung marai (80) ram pawng hpawm nna htim gasat lung wa ai majaw hpunau Sam SSPP/SSA hpyen hpung ni laja lana ninghkap gasat ai, gasat poi byin ai lam hpe chye lu ai.
 
 

KIA Masat (4) Dap Ba Ginra Ni Hta Laja Lana Gasat Poi Matut Byin

KIA Masat (4) Dap Ba Masat (38) Dap Dung makawp maga ginra kata hta 2013 May (2) ya shani hkying (1:45) pm aten ram Myen Asuya Hpyen Dap Hk.L.Y (125) na hpyen hpung ni Man Jak mare de shang shamu shamawt chyinglau hkawm nga ai kaw KIA Masat (38) Dap Dung na hpyen hpung ni hte hkrum katut gasat poi byin ai lam hpe chye lu ai.
Dai shana hkying (7:40)pm aten ram hta KIA Masat (36) Dap Dung makawp maga ginra, Kawng Sa hte Hpai Kawng lapran kaw KIA MHH hpyen hpung ni hte Kut Hkai daju ai Myen Asuya Hpyen Dap Hk.L.Y (242) ngu maram lu ai hpyen hpung ni laja lana gasat poi byin ai lam hpe chye lu ai.


 

KIA Masat (38) Dap Dung Gawn Sam hte Kawng Hkam Mayan Kaw Hkrum Katut Gasat Poi Byin

•  
• Category: Shiga
• Published Date
• Written by KNE

KIA Masat (4) Dap Ba, Masat (38) Dap Dung makawp maga ginra Gawn Sam hte Kawng Hkam mayan kaw 2013 April (28) ya shana maga hkying (2:20)pm aten ram hta Kuthkai kaw daju ai Myen Asuya Hpyen Dap Hk.L.Y (242) Dap na hpyen hpung ni shamu shamawt chying lau hkawm nga ai kaw KIA Dap Dung (38) na hpyen hpung ni hte hkrum katut ai majaw gasat poi byin ai lam hpe chye lu ai.
Myen Asuya Hpyen Dap ni matut manoi sharaw wan nat hkawm ai majaw mung shawa dum nta ni hkru lawm mat ai lam hpe chye lu ai.
KIA Masat (2) Dap Ba, Masat (14) Dap Dung makawp maga ginra rai nga ai Wara Zup mare kaw 2013 April (26) ya shani hkying (11:00)am kaw nna hkying (3:40) pm aten laman Myen Asuya Hpyen Dap ni sharaw wan nat hkawm ai majaw mare de wan matut lai shang wa nna mung shawa dum n’ta (49) hkru lawm mat ai lam hpe chye lu ai.

Wan hkru lawm mat ai kaga arung arai ni gaw Mam dang (451), Hkali Jak kaji (3), Tung Fung Mawdaw (1), Htawlagyi (1) hte Mam htu jak kaji langai mung hkru lawm mat ai lam hpe chye lu ai.

 

Hpunau Balawng TNLA Hpyen Hpung Ni Hte Myen Asuya Dap Hpyen Hpung Ni Gasat Poi Byin

 

• Category: Shiga
• Published Date
• Written by KNE

2013 April (24) ya shani Lahta Sam Mung KIA Masat (4) Dap Ba makawp maga ginra Tabang Kungloi lam hku shamu shamawt chyinglau hkawm nga ai Myen Asuya Hpyen Dap dap ming nchye ai hpyen hpung ni hpe hpunau Balawng TNLA hpyen hpung ni kaw nna hkap shingla gasat poi byin ai lam hpe chye lu ai.
Ndai gasat poi hta Myen Asuya Hpyen Dap hpyen la marai (2) hkala hkrum ai lam hpe chye lu ai.
Hpunau Balawng TNLA hpyen hpung ni gaw lahta Sam mung Lashio hte Kyawk Me lapran kaw shamu shamawt nga ai hpyen hpung ni re hte lai wa sai 2013 April shata praw kaw nna Myen Asuya Hpyen Dap ni hte lang hte lang gasat poi byin lai wa sai re lam hpe chye lu ai.  

 

Myen Asuya Hpyen Dap Ni KIA Hte Hpunau Sam SSPP/SSA Ginra Ni Hta Hpyen N-Gun Matut Jat Nga

 

• Category: Shiga
• Published Date
• Written by KNE

Lai wa sai 2013 April (21-22) ya shani Myen Asuya Hpyen Dap na malu masha hte machyu pala htaw ai mawdaw (9) ram gaw Muse kaw nna KIA Dap Dung(27) makawp maga ginra de lai shang mat wa ai lam hpe buga masha ni kaw nna chye lu ai.
Matut nna Myen Asuya Hpyen Dap Ts.K.Hk-2 kata na Hk.L.Y (248),Hk.M.Y(517),(515) na hpyen hpung n-gun (200) ram gaw hpunau Sam SSPP/SSA makawp maga ginra kata de madaw (10) jan hte hpyen n-gun jat lung mat wa sai lam hpe chye lu ai.
KIA Masat (4) Dap Ba, Masat (17) Dap Dung makawp maga ginra manau bum mayan hta mung 2013 April (22) ya jahpawt hkying (5:30)am aten daram kaw nna hkying (1:00)pm aten du hkra Myen Asuya Hpyen Dap Hk.L.Y (127) na hpyen hpung ni laknak kaba hte gap sharu bun ai hte laja lana htim gasat lung wa ai majaw KIA Masat (17) Dap Dung na hpyen hpung ni ning hkap shingla gasat poi byin ai lam hpe chye lu ai.
Ndai KIA Masat (17) Dap Dung Manau Bum maga de lai wa sai 2013 April (19) ya shani kaw nna Myen Asuya Hpyen Dap Hk.L.Y (145),(129),(127),(314) ni matut manoi jawm htim gasat nga ai re lam hpe chye lu ai.      
 

 

 

KIA Masat (17) Dap Dung, Manau Bum Kaw Laja Lana Gasat Poi Byin

•  
• Category: Shiga
• Published Date
• Written by KNET
•  

KIA Masat (4) Dap Ba, Masat (17) Dap Dung makawp maga ginra Manau Bum de, lai wa sai 2013 April (19) ya shani kaw nna Myen Asuya Hpyen Dap  ni n-gun kaba hte matut manoi htim gasat nga ai lam hpe chye lu ai.
2013 April (20) ya jahpawt hkying (11:05)  aten ram hta KIA Masat (17) Dap Dung makawp maga ginra Manau Bum maga de Myen Asuya Hpyen Dap Hk.L.Y (127) hte Hk.M.Y (322) Dap kata na pawng hpawm hpyen hpung ni Man Dung maga kaw nna htim gasat lung wa ai majaw KIA Masat (17) Dap Dung na hpyen hpung ni Manau Bum hkyet mayan kaw ninghkap shingla gasat poi byin ai lam hpe chye lu ai.  
Matut nna shani hkying (12:30)am aten ram kaw nna shana hkying (5:30) aten ram du hkra Myen Asuya Hpyen Dap Hk.L.Y (127) hte Hk.L.Y (129) na pawng hpawm hpyen hpung ni Pang Hkam maga hku nna KIA hpyen hpung ni nga ai Manau Bum Hkyet de htim gasat lung wa ai majaw KIA Masat (17) Dap Dung kata na hpyen pung ni laja lana ninghkap gasat ai, gasat poi byin ai lam hpe chye lu ai.
Manau Bum hkyet maga de matut manoi gasat poi byin nga ai ten, 2013 April (21) ya jahpwt hkying (7:00)am aten ram kaw nna Myen Asuya Hpyen Dap Hk.L.Y (127) hte Hk.M.Y (312) Dap kata na hpyen hpung ni Nam Yi mare kaw nna sinat kaba 81MM hte KIA Masat (17) Dap Dung kata na hpyen hpung ni shara la nga ai Manau Bum hkyet maga matut manoi gap sharu bun ai hpang lagaw dap ni hte bai laja lana htim gasat lung wa ai majaw shani hkying (1:30)pm aten ram hta Manau Bum hkyet kaw shara la nga ai KIA hpyen hpung ni gan yen kau sai lam hpe chye lu ai.
 

 

KIA Masat (17 ) Dap Dung, Manau Bum Lagaw Kaw Gasat Poi Byin

•  
• Category: Shiga
• Published Date
• Written by KNE

2013 April (19) ya shani hkying (1:00)pm aten ram kaw nna shana hkying (4:30)pm aten ram du hkra KIA Masat (4) Dap Ba, Masat (17) Dap Dung makawp maga ginra maga de htu shadut lung wa ai Myen Asuya Hpyen Dap Hk.L.Y (129) dap na hpyen hpung ni hpe KIA Masat (17) Dap Dung na hpyen hpung ni Manau Bum Lagaw kaw ninghkap gasat poi byin ai lam hpe chye lu ai.
Ndai aten hta KIA Masat (5) Dap Ba makawp maga ginra kata hku nna Laiza Muklum de htu shani lung wa ai Myen Asuya Hpyen Dap Ts.K.Hk-7 na hpyen hpung ni gaw Na Lung Pa, Man Sai Pa, Man Mau Pa na mung shawa ni a ginshau si htaw ai mawdaw hpe Laja Yang mare hku htaw shalai na ahkang njaw ai hta n-ga, Hka Ya Bum lagaw lam numshe hku htaw shalai ai Mung shawa ni hpe ginshau htaw mawdaw kaba (1) Myen gumhpraw Kyats (500,000) hte madaw kaji (1) Kyats (200,000) njaw nmai hta sha nga ai lam hpe dai ginra na Mung shawa ni kaw nna chye lu ai.
Na Lung Pa, Man MauPa, Man Sai Pa na Mung shawa ni gaw shaning shagu ginshau sun galaw ai rai nna shu la lu ai ginshau si ni hpe Miwa Gumsan Mundan de madung dut shalai ai re hpe chye lu ai.